Policia e Lushnjes ka arrestuar 18-vjeçarin që mbrëmjes e së hënës shkaktoi aksidentin me pasojë vdekjen e 80-vjeçarit, Ndrek Prendi.
Nga informacionet e marra në rrugë operative dhe duke përdorur dhe kamerat e sigurisë të bizneseve në rrugë, policia e Divjakës identifikoi dhe ndaloi autorin Antonio Xeka 18 vjeç nga Gramshi i Lushnjes.
Xeka u arrestua në banesën e tij.
Policia e Divjakës konstatoi në trupin e tij plagë, të cilat i ishin shkaktuar nga aksidenti.
18 vjeçari Xeka së bashku me shokun e tij goditën me motocikletë të moshuarin dhe më pas u larguan nga vendngjarja.
Mbi të rëndon akuza e largimit nga vendi e ngjarjes dhe shkaktimi i aksidentit me pasojë vdekje.
Ndërsa për shokun e tij adoleshent rëndon akuza e bashkëpunimit dhe fshehjes së të vërtetës që penguan policinë për zbardhjen e ngjarjes.
