Ministri i Brendshëm Saimir Tahiri ka shkarkuar të gjithë drejtuesit e qarkullimit rrugor në të gjitha drejtoritë e policisë rrugore në të gjitha qarqet përveç Tiranës.
Mësohet se shkarkimet kanë ardhur pas situatës së rënduar me aksidente të shumta rrugore që kanë sjellë edhe një numër të madh viktimash e të plagosurish.
Burimet bëjnë të ditur se nisur nga perfornanca e ulët Tahiri ka kërkuar reformim të këtij sektori në polici.
Përveç drejtorit të Policisë Rrugore të Tiranës, Mithat Tola, nuk ka lëvizje të tjera në Tiranë. Shefi i komisariatit rrugor në Tiranë nuk është zëvendësuar sepse ka më pak se një muaj që është emëruar në këtë detyrë.
Shkarkimet dhe lëvizjet në policinë rrugore u publikuan sot pak pasi kryeministri Edi Rama përuroi ambientet e reja të Drejtorisë së Policisë rrugore në Tiranë.
