Aksident rrugor në qytetin e Lushnjes, aty ku një makinë ka përplasur një këmbësor. Bëhet fjalë për shtetasin Qani Çela, i cili është transportuar menjëherë në spitalin e qytetit.
Ai ka qenë duke kaluar rrugën kur është përplasur nga një makinë tip ‘Toyota Yaris’ e drejtuar nga një grua 50-vjeçe.
Sipas lajmeve që vijnë nga ky spital, fatmirësisht ai ndodhet jashtë rrezikut për jetën. Policia ka mbërritur në vendngjarje dhe po punon për zbardhjen e plotë të shkaqeve të aksidentit.
