Disa vatra zjarri kanë përfshirë pyjet e fshatit Nikolic në Bashkine e Devollit.
Burime zyrtare bëjnë me dije se fillimisht vatrat e zjarrit kanë përfshirë bimësin e ulët të pyjeve të këtij fshati, ndërsa ditën e sotme zjarri ka përparuar në lartësi të maleve të Nikolices duke prekur edhe pyjet, raporton Vizion +.
Zyrtarisht nuk thuhet sa është sipërfaqja e përfshire nga zjarri, por burimet thanë se sipërfaqja është e madhe.
Të njëjtat burime thanë se terreni i thyer e bën të pamundur hyrjen e mjeteve të shërbimit zjarrfikës, ndaj dhe për këtë në terren ndodhen vetëm forca të këtij shërbimi si dhe punonjës të bashkisë dhe banorë të zonës.
Prefekti i qarkut Dhori Spirollari tha se nga flakët e zjarrit rrezikohen edhe pyjet e fshatit Kozel. Nesër pritet të ketë ndërhyrje të specializuara.
