Edhe pse është piku i sezonit, disa zona bregdetare në jug të vendit janë zgjuar sot pa energji elektrike. Pushuesit kanë denocuar sot në Boldnews.al mungesën e dritave në zonën e Borshit prej disa orësh. Nuk dihet nëse bëhet fjalë për ndonjë difekt, por pronarë të disa biznesve shprehen se ky problem është i përvitshëm dhe se OSHEE asnjëherë nuk ka marrë mundimin për ta zgjidhur këtë situatë.
Të irrituar, pushuesit e Borshit kanë shpërthyer në të shara dhe mallkime ndaj qeverisë për mungesën e dritave. Ata shprehen se kanë paguar çmime të kripura për shtëpitë e pushimit në këtë fshat turistik, ndërkohë që nuk kanë as kushtet minimale si ajo e energjisë elektrike.
Më herët, edhe Shëngjini u raportua të ishte pa energji elektrike ndërsa dhjetra qytetarë kanë ndërprerë pushimet për shkak të këtij problemi.
Me këtë situatë, praktikisht OSHEE vijon të largojë mijëra pushues nga Shqipëria duke zgjedhur si destinacion vendet fqinje si Mal i Zi apo Greqi.
Tenderat disa miliona euro për luks të OSHEE janë një nga shkaqet kryesore që ky operator nuk ka ndërmarrë investimet për të moderinzuar sistemin energjitik në vend. Boldnews.al ka investiguar sesi OSHEE shpenzon miliarda për makina me qira dhe pastrim të zyrave nëpërmjet tenderave që u jepen oligarkëve pranë qeverisë.
Përpos kësaj, pak ditë më parë OSHEE shprehej se bilanci i të ardhurave nga energjia elektrike ishte në rritje, por mungesa e investimeve ngre dyshime se ku shkojnë këto të ardhura.
“Hajdutët e OSHEE më lanë 10 muaj pa drita sepse nuk pagova faturën abuzive 880 mijë lekë”
