Një laborator i kultivimit të marijuanës me llampa është zbuluar në Lazarat. Policia e Gjirokastrës ka sekuestruar 350 rrënjë kubikë dhe fidanë marijuana.
Po ashtu janë sekuestruar pajise për prodhimin në kushte të laboratori. Ndërsa në pranga është vënë edhe Muzafer Mamo, 56 vjeç, nga Lazarati. Ky shtetas në vendin e quajtur zona “Industruale” të qytetit Gjirokastër, në një magazinë të vjetër në pronësi të tij, ku një nga ambjentet e kësaj magazine me sipërfaqje rreth 70 m2 ishte përshtatur si serë me sistem ngrohje me llampa elektrike, u gjetën të kultivuara 350 bimë të dyshuara Cannabis Sattiva.
Bimët varionin me lartësi nga 25 cm deri 40 cm . Bimët narkotike u asgjesuan në vend me anë të djegies nga uniformat blu. Materialet do t’i kalojnë Prokurorisë së Rrethit Gjyqësor Gjirokastër për veprën penale “Kultivim të bimëve narkotike”, parashikuar nga neni 284 i Kodit Penal.
