Deputeti i sapodorëhequr nga grupi parlamentar i PS-së, Vladimir Kosta është paraqitur sot në prokurorinë e Tiranës.
Burime nga organi i akuzës bëjnë me dije se Kosta ka kallëzuar biznesmenin që e akuzoi për ryshfet Konstandin Gjata. Po kështu edhe vetë deputeti ka pranuar se ka kallëzuar për shpifje biznesmenin Gjata, i cili një ditë më parë denoncoi Kostën se i ka kërkuar haptazi një shumë prej 54 milionë lekësh të vjetër, për shkak se sipas tij kishte ndikuar që të fitonte tenderin për një vepër publike.
Në një rrëfim për gazetën “Panorama” një ditë më parë biznesmeni Gjata tha se Kosta i pati kërkuar atij shumën në fjalë, pasi firma e këtij të fundit, “Rosi” sh.p.k. fitoi tenderin për rehabilitimin e urës së fshatit Vllaho-psilloter në zonën e Çarçovës në rrethin e Përmetit.
FOTO: Makina e deputetit Kosta në prokurori dhe biznesmeni Gjata
