Një ndër restorantet më të njohura në Dhërmi, “Havana” i është bllokuar nga hetimi tatimor.
Lajmin e ka bërë të ditur kryeministri Rama përmes një postimi në rrjetet sociale.
“Hajde merre vesh, si ka mundësi(!), që të bësh një investim të tillë dhe të mos respektosh ligjin, duke mos lëshuar kuponin dhe duke e paguar shkeljen si frëngu pulën” -shkruan Rama në Facebook.
Postimi i kryeministrit:
Keqardhje vërtetë për Havanën e famshme të pushimeve joniane😢
Hajde merre vesh, si ka mundësi(!), që të bësh një investim të tillë dhe të mos respektosh ligjin, duke mos lëshuar kuponin dhe duke e paguar shkeljen si frëngu pulën🤭
Por mesa duket sa më i madh biznesi, aq më e madhe vështirësia për ta futur në kokë mesazhin #STOPINFORMALITETIT✋
ASKUSH s’është mbi LIGJIN dhe ÇDOKUSH do GODITET me #ZeroTolerancë 🤜nëse mban për vete, pjesën e xhiros që i takon konsumatorit dhe shtetit👊
