Një aksident i rëndë ka ndodhur mbrëmjen e djeshme në fshatin Karavomylos të Greqisë, ku një 44-vjeçar shqiptar, duke drejtuar automjetin e tij ka aksidentuar për vdekje një fëmijë 14 vjeç.
Mediat greke raportojnë se aksidenti ka ndodhur rreth orës 22:00 të mbrëmjes së të enjtes, kur automjeti i drejtuar nga shqiptari, emri i të cilit nuk bëhet i ditur, është përplasur me një grup fëmijësh, që po udhëtonin me biçikleta.
Rapotohet se 14-vjeçari ka humbur jetën në spital, për shkak të plagëve të shumta.
Sipas LamiaReport, drejtuesi i mjetit ka qenë me shpejtësi të madhe dhe nuk ka mundur të manovrojë për të shmangur përplasjen.
Babai i viktimës është një mjek i njohur në Greqi. Shqiptari është ndaluar nga policia.
