Zyrtarja e lartë e Departamentit të Shtetit, Viktoria Nuland, gjatë takimit që pati në Tiranë duke propozuar një formulë të re për reformën në drejtësi, nuk e përfshiu në axhendën e saj një takim me Ilir Metën.
Sapo Nuland përfundoi konferencën për mediat, LSI shpërndau një letër të Petrit Vasilit drejtuar për Fatmir Xhafën. Duket se mes dy partive aleate në qeveri, nuk ka pasur komunikim për reformën në drejtësi. LSI kërkon të njihet me propozimin e ri të Nuland. Nga ana tjetër, Ilir Meta ka garantuar se votat e deputetëve të tij do të jenë të gjithë pro reformës në drejtësi, por nuk pranon ta përjashtojnë nga negociatat.
Nuland nuk zbuloi se çfarë përmban propozimi, por ajo e quajti atë “hibrid”, një kombinim i pretendimeve të PD dhe PS për reformën.
