Në përfundim të takimeve që pati në Tiranë, Ndihmës Sekretarja e Shtetit, Viktoria Nuland zbuloi se Ramës dhe Bashës i është bërë një propozim i ri, një formulë e re për reformën në drejtësi.
Nuland nuk zbuloi se çfarë përmban propozimi, por ajo e quajti atë “hibrid”, një kombinim i pretendimeve të PD dhe PS për reformën.
Pjesë nga fjala e Nuland pas takimeve në Tiranë:
Do të flas shkurt se sonte luhet finalja e Euro 2016 dhe jam e sigurt që të gjithë doni që të jeni para televizorit për ta ndjekur. Shqipëria ka një vend të veçantë në zemrën time sepse kam qenë ambasadore e NATO¬s në kohën e anëtarësimin në NATO. Reforma në drejtësi, që Parlamenti, mazhoranca dhe opozita po punojnë, është tejet jetike për të ardhmen e demokracisë shqiptare. Do t’i japi një kontribut për dhënien fund të kulturës së pandëshkushmërisë dhe Shqipëria do të ketë një sistem drejtësie që do të funksionojë.
Është hap jetik që Shqipëria të nisë negociatat me BE¬në për anëtarësim. Drafti është drejtë përfundimit. Në përpjekje për të afruar palët, ambasadori Lu dhe kolegia e tij e BE¬së, në 24 orët e fundit kanë paraqitur një propozim të ri. Ky është propozim hibrid, propozimi i ri përmban elementë nga propozimi i qeverisë dhe opozitës dhe është në përputhje me rekomandimet e Komisionit të Venecias. Ky propozim ka mbështetjen time por ka dhe mbështetje të gjerë nga Uashingtoni. I kam nxitur që të dy palët në emrin tim dhe personave nga Uashingtoni dhe kolegëve nga BE, në mënyrë që të mblidhen së bashkë rreth këtij propozimi sepse ka ardhur koha që të arrihet një marrëveshje, populli shqiptarë është duke pritur.
Është momenti për të gjitha patriotët shqiptarë të bashkojnë forcat dhe të japin atë që ky vend po pret. Me një reformë të fortë në sistemin e drejtësisë, Shqipëria mund të vazhdojë të ecë përpara në çështje të tjera si ekonomia, krijimi i vendeve të punës, forcimi i ekonomisë. SHBA është krenare që qëndron përkrah Shqipërisë, ndërsa ju vazhdoni rrugën tuaj drejtë integrimit euroatlantik.
