Ambasada e SHBA-ve në Tiranë ka reaguar pas publikimit të Raportit Vjetor të Departamentit amerikan të Shtetit për Trafikimin e Personave, ku Shqipëria mbetej ende një vend burimi dhe destinacioni në trafikun e seksit dhe në punën e detyruar.
“Shtetet e Bashkuara vlerësojnë bashkëpunimin e ngushtë me Qeverinë e Shqipërisë, shoqërinë civile dhe veçanërisht Koordinatoren Kombëtare Anti-Trafikim Elona Gjebrea për synimin tonë të përbashkët të luftës kundër fenomenit global të trafikimit të qenieve njerëzore. Raporti vjetor i Departamentit të Shtetit për Trafikimin e Personave, i cili doli sot, vë në pah një numër arritjesh dhe ofron sugjerime konkrete për mënyrën se si Shqipëria, Shtetet e Bashkuara dhe vendet kudo në botë mund të punojnë për t’i dhënë fund murtajës së trafikimit njerëzor”, thuhet në deklaratën e SHBA-ve.
Tek sugjerimet se si mund të përmirësohet situata, ambasada e SHBA-ve thotë se përshihet më shumë financim për OJQ-të, sidomos strehëzat, trajnime shtesë për ligjzbatuesit për të identifikuar dhe hetuar siç duhet rastet e trafikimit, si dhe procese më të mira gjyqësore për viktimat e trafikim
