Drafti i reformës në drejtësi do të diskutohet në Kuvend në seancën plenare të 21 korrikut. Kuvendi miratoi të enjten me 71 vota pro, 38 vota kundër dhe asnjë abstenim programin e punës së Kuvendit për periudhen 4-29 korrik, ndërsa me 71 vota pro, 34 vota kundër dhe asnjë abstenim u miratua kalendari i punës për periudhën 4-22 korrik.
Opozita e konsideroi futjen në kalendar të reformës ‘pa asnjë bazë kushtetuese’.
“Nuk mund të kemi një kushtetutë që ka në bazë konfliktin” tha deputeti i PD-së,Oerd Bylykbashi, duke sugjeruar tërheqjen e draftit.
Jemi para një shkelje flagrante të kushtetutës, procedura është antikushtetuese, këmbënguli, Bylykbashi, njëkohësisht nënkryetar I komisionit të posacëm për reformën në drejtësi.
Por, kryetari i Kuvendit Ilir Meta i kërkoi opozitës që te mos e përsërisë debatin për këtë çështje, por të ecim në këtë mënyrë që të fitojmë kohë dhe që ndryshimet kushtetuese të miratohen brenda korrikut, tha ai.
“Kjo na impenjon të gjithëve që të gjejmë konsensus, për të vetmen çështje parimore që pretendon opozita”, u shpreh Meta, duke ju referuar kerkeses se PD-se per zbatimin e rekomandimit 88 te Opinionit final te Komisionit te Venecias.
Kuvendi miratoi sot dhe ratifikimin e dy marrëveshjeve me qeverinë gjermane.
Me 110 vota u ratifikua marrëveshja për projektin “Linja unazore, 110 kilovolt në Shqipërinë Jugore”, e financuar me një grant prej 2 milionë euro nga qeveria gjermane. Projekti synon rimëkëmbjen e sektorit energjitik në jug të vendit, uljen e konsiderueshme dhe të qëndrueshme në sistemin e shpërndarjes; përmirësimin e performancës financiare të OSHEE-së, etj.
Ndërsa me 109 vota u ratifikua marrëveshja tjetër me qeverinë gjermane për bashkëpunimin financiar 2015, për projektin “Programi për rinovimin e konvikteve në Kampusin Universitar të Tiranës, sipas parimit të efiçencës energjetike”. Marrëveshja parashikon akordimin e një financimi grant në masën 4.5 milionë euro nga banka KfW. Qëllimi i projektit është zbatimi i masave të efiçencës së energjisë dhe rehabilitimi i godinave të konvikteve në Kampusin Universitar të Tiranës.
Duke marrë fjalën për këtë cështje në emër të grupit parlamentar të Lëvizjes Socialiste për Integrim(LSI), deputetja Kejdi Mehmetaj kërkoi që të kthehet vëmendja nga ndërtimi i kampusit universitar dhe rikonstruksioni i konvikteve të universitetit bujqësor në Kamëz.
Universiteti i Tiranes i ka gjetur fondet e nevojshme per realizimin e ketij projekti. Tani eshte koha e qeverise te gjeje fondet per ndertimin e ketij Kampusi”, u shpreh deputetja Mehmetaj.
Me 71 vota pro, 2 kundër dhe 36 abstenime u miratua dhe pr/ligji “Për zejtarinë, i mbartur për votim nga séanca paraardhëse
