Një denoncim i rëndë vjen për Qendrën Spitalore Universitare Tiranë.
Ish-kryeministri Sali Berisha ka publikuar mesazhin e një mjeku, i cili ka treguar se një infeksion i rëndë stafilokoksik ka pushtuar prej 3 javësh reanimacionin e QSUT.
Sipas mjekut të cituar nga Berisha, nga stafilokoku është prekur edhe stafi mjekësor, por gjendja fshihet nga QSUT dhe Instituti i Higjienës.
STATUSI I BERISHËS
Mjeku dixhital jep alarmin:
Infeksioni i rëndë stafilokoksik ka pushtuar prej tre javësh në Reanimacionin e QSUT dhe kjo mbahet e fshehur! sb
“Mirëmëngjes Doktor, një koleg i imi mjek i QSUT më telefonoi tani dhe më thotë që ka dyshime që prej 3 javësh në reanimacionin e QSUT ka infeksion të rëndë stafilokok. Janë munduar që ta zbrazin një here por s’kanë mundur prej fluksit dhe personeli mjek, infermier punon në kushte stafilokok. Madje thonë që 4 mjekë janë të prekur. Ndërkohë që fshehin informacionin edhe QSUT edhe instituti i higjienës.”
