Kryeministri Edi Rama ka zgjedhur t’i japë një mesazh kreut të opozitës, Lulzim Basha, në formë lutjeje, duke i kërkuar që të mos protestojë deri në vendimin për negociatat mes Shqipërisë dhe BE-së.
Megjithëse e ka të qartë vendimin e Këshillit Europian në muajin qershor, duket se Rama ka zgjedhur të bëjë lojën e zakonshme, duke u përpjekur t’i lërë faturën e dështimit opozitës.
Në këto kushte ai i kërkon opozitës që deri në momentin e vendimmarrjes është mirë të mendojnë për Shqipërinë jo për partinë, të mendojmë për gjeneratën tjetër, jo zgjedhjet, që të mos furnizojmë ata që janë të lëkundur apo në kërkim të arsyeve për të thënë jo, me pamje të gënjeshtra që nuk pasqyrojnë realitetin nga Tirana protestash partiake dhe jo popullore.
Kërkesa e Ramës
“I them përkthyeses që të mos përkthejë asgjë në gjuhë të huaj për mua tani në mesazhin që kam për opozitën.
Këtë e kam apel për Bashën dhe atë pjesë të opozitës që është rrugëve, deri në momentin e vendimmarrjes është mirë të mendojnë për Shqipërinë jo për partinë, të mendojmë për gjeneratën tjetër, jo zgjedhjet, që të mos furnizojmë ata që janë të lëkundur apo në kërkim të arsyeve për të thënë jo, me pamje të gënjeshtra që nuk pasqyrojnë realitetin nga Tirana protestash partiake dhe jo popullore.
Dhe e fundit që kam është ne, e kemi lexuar me shpejtësi për kohën që kemi pasur, por do ta lexojmë me shumë vëmendje dhe ministri në detyrë për Europën do të paraqesë në qeveri në mbledhjen e radhës një plan veprimi për problematikat që ngrihen në raport. Kështu që mendoj që është momenti që gazetarët të bëjnë pyetjet.
