Nuk bëjmë shkuma parti dhe as ofrojmë pushime falas. Kështu u shpreh kreu i FRPD-së, Belind Këlliçi, duke bërë një dallim mes kësaj organizate rinore të PD-së dhe forumeve të tjera rinore në Shqipëri.
Këlliçi theksoi se FRPD ka organizuar me mbështetjen e Konrad Adenauer akademinë politike, por kurrë nuk ka organizuar shkuma parti apo pushime falas.
Në këtë mënyrë duket se Këlliçi ka thumbuar forumet rinore të PS dhe LSI, të cilat vit për vit organizojnë shkuma parti dhe pushime falas në kampingjet në jug të vendit.
Në emisionin “A Shoë”, Këlliçi tha se fokusi kryesor i FRPD janë studentët dhe gjimnazistët, duke synuar afrimin e ekselentëve.
Lidhur me protestat e organizuara nga opozita, Këlliçi tha se janë dhjetra mijëra që dalin dhe i bashkohen protestave dhe askush nuk mund të parashikojë agjendën e qytetarëve, pra sesi mund të reagojnë njerëzit e revoltuar.
“Ne kemi dalë për një kauzë të madhe, që i përket të djathtëve dhe të majtëve dhe incidentet gjatë protestave e dëmtojnë këtë kauz”, tha ai.
