Kryeministri Edi Rama u ka bërë të qartë deputetëve, në një mbledhje të grupit parlamentar socialist, se data e zgjedhjeve nuk do të shtyhet.
Sikundër raportohet, ram aka qenë i vendosur në këtë qëndrim, madje u ka kërkuar ligjvënësve socialist që të bëhen gati për fushatën në mbështetje të kandidatëve për kryetarë të bashkive.
Rama u ka kërkuar deputetëve që të zhvillojnë takime me qytetarët dhe t’i bindin ata të marrin pjesë në zgjedhje, duke shprehur vullnetin e tyre.
Duket se kryeministri i druhet një pjesëmarrjeje të ulët në zgjedhje, kundrejt asaj se opozita përveç faktit se nuk është regjistruar si pjesëmarrëse në proces, ka deklaruar se zgjedhje nuk do të ketë.
Në këtë kuadër, Rama ka kërkuar nga ligjvënësit që të angazhohen në takime, të shtojnë kontaktet me qytetarët dhe të japin garancitë se zgjedhjet do të realizohen më 30 qershor.
Ndërkohë opozita në fundjavë do të organizojë protestën e rradhës kombëtare për të kërkuar largimin e Edi Ramës si kryeministër dhe krijimin e një qeverie tranzitore, që do të përgatisë zgjedhjet e parakohshme parlamentare.
