Ish-ministri i Drejtësisë, Ylli Manjani ka reaguar pas deklaratave të bëra sot nga kryeministri Edi Rama.
Rama përsëriti disa herë se nuk ka asnjë hapësirë për negociata me opozitën, pasi ai si drejtues i mazhorancës nuk mund të shkel Kushtetutën.
Ish-ministri i Drejtësisë, në një reagim në rrjet i kujton kryeministrit se në vitin 2007, ishte Edi Rama ai që si drejtues i opozitës detyroi qeverinë dhe ndërkombëtarët të pranonin shtyrjen e zgjedhjeve përtej afatit kushtetues.
‘S’ka mundësi Kushtetuese?! Ou?! Po në 2007-ën, kur Ai nuk hynte në zgjedhje, si u gjet rruga Kushtetuese që u shtynë zgjedhjet?!’, shkruan Manjani.
Në vitin 2007 zgjedhjet vendore të dekretuara nga Presidentit u shtyn me kërkesën e opozitës, vetëm sepse Partia Socialiste nuk pranonte të hynte në zgjedhje, për shkak të pretendimeve për çertifikatat që lëshonin zyrat e gjendjes civile.
