Arben Micko, gjyqtari që nuk toleron protestat kundër Edi Ramës

Nga Boldnews.al

Gjyqtari i Tiranës, Arben Micko, nuk lë rast pa treguar devotshmërinë e tij ndaj kryeministrit Edi Rama.

Ai vendosi të lërë pas hekurave më shumë se gjysmën e protestuesve anti-qeveritarë, të cilët kundërshtojnë mënyrën e drejtimit të vendit nga “Rilindja”.

Brenda një dite të vetme, Micko shqyrtoi rreth 40 kërkesa të Prokurorisë për personat e arrestuar nga policia gjatë protestave dhe vendosi që 21 prej tyre duhet të qëndrojnë pas hekurave.

Është e çuditshme se si Micko i ka shqyrtuar të gjithë kërkesat brenda ditës dhe është bindur që provat e siguruara nga Policia janë të mjaftueshme për të prangosur protestuesit, të cilët nuk durojnë politikat represive të Edi Ramës.

Por, Micko duket se është i vendosur të mos tolerojë asnjë rast kundërshtimi publik ndaj kryeministrit Rama. Gjyqtari është treguar “stoik” në mbrojtjen e Ramës edhe kur dënoi, rreth dy vjet më parë, disa studentë të Shkencave Sociale, të cilët goditën me vezë kryeministrin.

Dënimi i studentëve ishte tërësisht absurd, por gjyqtari Micko, mesa duket nën dirigjimin e Edi Ramës, vendosi precedentin se kushdo që “guxon” të shprehë qëndrime kundër kryeministrit, do të përfundojë i arrestuar apo i dënuar.

Arben Micko ka lidhje shumë të forta me Partinë Socialiste të Edi Ramës, si edhe me paraardhësit e kësaj force politike. Ai është nip i ish-funksionarit të lartë komunist, Shefqet Peçi, deklaroi ish-deputeti i Partisë Demokratike, Edmond Spaho, pas seancës së të Martës, kur Micko njofoi masën e arrestit për më shumë se gjysmën e protestuesve të ndaluar nga Policia.

LEXO EDHE  Tirana sërish pa drita/ OSHEE njofton zonat e shkëputjes së energjisë elektrike

Gjyqtari është gjithashtu babai i Artur Mickos, zv.drejtuesit të Forumit Eurosocialist Shqiptar (FRESH), organizata që mbledh të rinjtë e Partisë Socialiste.

“Bëmat” e gjyqtarit Arben Micko në favor të Partisë Socialiste dhe eksponentëve apo personave të lidhur me të, janë të shumta.

Në vitin 2014, gjyqtari Micko shpalli të pafajshëm ish-kryetarin e Bashkisë së Vlorës, Shpëtim Gjiika, i akuzuar për fallsifikimin e dokumentave në dhënien e lejeve të ndërtimit në qytetin bregdetar.

Prokuroria kërkoi në atë kohë dënimin me 4 vjet burgim për Gjikën, por gjyqtari Micko vendosi ta shpallte të pafajshëm, pavarësisht provave dhe fakteve të paraqitura në gjykim.

Një vit më vonë, në 2015, gjyqtari Micko pranoi kërkesën e djalit të ish-deputetes socialiste, Luiza Xhuvani, Kostandinit për gjykim të shkurtuar, në procesin ku akuzohej për vrasjen e 4 personave.

Kostandin Xhuvani vrau 4 persona në nëntor 2014, pas një konflikti në një lokal nate. Akuzat ndaj tij ishin shumë të rënda dhe ai rrezikonte të dënohej me burgim të përjetshëm. Por gjyqtari Micko i pranoi atij kërkesën për gjykim të shkurtuar, duke i zbutur në këtë mënyrë edhe dënimin përfundimtar, i cili iu konvertua në 35 vjet.