Është vënë në pranga nga policia spanjole shtetasin shqiptar të identifikuar si Kreshnik Farruku. Prej kohësh Farruku ishte në kërkim nga Interpol Roma për trafik ndërkombëtar droge dhe pjesëmarrje në organizatë të strukturuar kriminale. Arrestimi i Farrukut u krye në Lagjen Tetuan të Madridid
Sipas mediave spanjolle, Kreshnik Farruku ishte i njohur edhe me mbiemrin Budlla, në vitin 2007 ishte dënuar në Itali për trafik ndërkombëtar droge. Përvecse në kërkim nga pala italiane, ai kishte pasur probleme edhe me drejtësinë spanjolle, sepse dyshohej që nga viti 2008 si pjesëmarrës në grabitje me dhunë dhe në vrasje. Por problemet për të akuzuarin si trafikant droge nuk mbarojnë, pasi ka pasur dhe dosje të hapur me drejtësinë shqiptare, pasi i është sekuestuar mbi 1 milion euro pasuri.
Farruku ka rënë pre e një atentati në Tiranë në vitin 2015. Në këtë atentat u plagos një kliente e një bari, ndërsa pinte kafe me të shoqin dhe fëmijën e vet të mitur. Në vitin 2014 vëllait të Kreshnikut iu bë një atentat në Durrës. Po të njëjtat mediat bëjnë me dije se Farruku është dhe pjesë e bandës që vrau Devi Kasmin në janar të vitit 2018 në Shqipëri.
Policia spanjolle po përpiqet të kuptojë edhe lidhjet e Farrukut me politikanë shqiptarë në Tiranë dhe në qytetin port të Durrësit, si edhe kontakte të tijat me segmente të devijuara të policisë shqiptare. Me interses për thellimin e hetimeve të policisë spanjolle është zbërthimi i mekanizmit të gjakmarrjes midis fiseve Farruku dhe Kërtalla në Shijak dhe Manzë, dy qyteza, që ndodhen ndërmjet Tiranës kryeqytetit shqiptar dhe Durrësit, portit kryesor të Shqipërisë.
Mediat në spanjë bëjnë me dije se ai ka qenë dhe disa herë të tjera i ndaluar dhe arrestuar nga policia, por pasi ka vuajtur dënimin ka përfunduar sërish në botën e krimit.
Linku i lajmit nga mediat spanjolle: https://www.elmundo.es/madrid/2019/05/12/5cd72864fc6c830f418b458e.html
