Dhuna policore dhe gazi kimik i Sandër Lleshajt, dje nuk kurseu askënd, madje as qytetarët që nuk kishin lidhje me protestën apo fëmijët e tyre.
Dy nëna kanë treguar sot për mediat, se si dy vajzat e tyre, 8 dhe 12 vjeçe kanë rënë përtokë nga gazi lotsjellës, ndërsa ishin duke pirë kafe në lokal, duke mos pasur asnjë lidhje me protestën.
Dëshmia e parë:
Papritur filloi gaz lotsjellës, se nga erdhi kjo, ne nuk e dinim. Pash fëmijën që m’u shtri përdhe. am qarë kam ulëritur, “çupa, më iku çupa, më iku çupa.” Villte pa pushim çupa ime. “Mami syri. Mami syri.” U shtri çupa pa ndjenja përdhe.
Dëshmia e dytë:
Lajmëruam ambulancën. Ata që ishin aty tek lokali na dhanë ndihmën e shpejtë, se desh na vdiqën fëmija. I mbytën të vjellat. Kemi ardhur me urgjencë, me të vjella i kemi sjellur në gjendje shumë të rëndë fëmijët. Edhe tani që është ora 2 e gjysëm, 3, me të vjella, me probleme nga sytë, nga fytyra janë të djegur dhe nga mushkëritë nuk mbushet dot me ajër. Na helmuan fëmijët.
