Ish-deputeti socialist Andis Harasani ka reaguar përmes një postimi në rrjet pas deklaratës së Sandër Lleshajt, ministër i Brendshëm, i cili e trajtoi si skenar destabilizues protestën e djeshme të opozitës.
Madje Lleshaj shkoi deri atje sa paralajmëroi me përballje me drejtësinë të organizatorëve të protestës.
“Fakti që ideatorët e sulmeve janë të njëjtin persona që kanë prodhuar për këtë vend tragjedi ë mëdha meriton vëmendje të ndjeshme.
Ata që mbronin me qetësi kriminale vrasjen e 4 protestuesve dhe plagosjen e të tjerëve në 2011, i lejojnë sot të drejtën vetes të japin leksione demokracie.
Qeveria shqiptare dhe Ministria e Brendshme e mbështesim plotësisht Policinë e Shtetit për ruajtjen e rendit.
Organet kompetente do të marrin masa ligjore për të vënë para përgjegjësisë ata që organizuan dhe vunë në rrezik institucionet e shtetit”, tha ai.
“Dëgjova fjalimin e Lleshit. Komunistë deri në dhimbje. Shkatërrojnë, mashtrojnë, vjedhin dhe kur lind dielli bëjnë sikur kërkojnë ndjesë”, shkruan Harasani në rrjet.
