Edi Paloka, nënkryetar i PD-së, tha se ky është një tubim që u vendos në shenjë proteste ndaj dhunës policore, ndalimet dhe arrestimet e paligjshme të qytetarëve nga policia.
Paloka tha se policia ka marrë njerëzit edhe nga lokalet, pa pasur asnjë lidhje me protestën, vetëm se i çmenduri, urdhëroi dhunën policore.
“Kjo nuk është policia e shqiptarëve, është policia e krimit, Lleshit dhe e Ramës. Nuk dua t’i përfshijë të gjithë këtu, por nga dhuna e shfaqur dje nga qytetarët, ky është realitetit.
Kjo është policia që kanabizoi Shqipërinë, jo vetëm që nuk i kap kriminelët, por i ndihmon kriminelët.
Këtu s’ka as prokurori, as gjykata. Këtu ose qytetarët marrin në dorë fatet e tyre, ose ne shkojmë në një diktaturë që po na çon një i cmendur nga Edi Rama”, tha Paloka.
Ai shtoi se jemi në një vend ku kryeprokurorja i shkon në zyrë Kryeministrit, çka do të thotë sipas tij, se askush nuk ka hapësirë për të kërkuar drejtësi apo hetim mbi dhunën e ushtruar.
