Nard Ndoka, kryetar i PDK-së, ka ironizuar Federica Mogherinin, shefen e Diplomasisë Europiane, duke e cilësuar pjesë e sektit të Sorosit.
Madje ndoka ka shkuar më tej duke sugjeruar që në mbyllje të karrierës së Mogherinit, Taulant Balla mund t’i ofronte kartën e anëtarësisë së Partisë Socialiste.
“Ishte një mbyllje e turpshme e karrierës së Mogherinit. Edi Rama është në një situatë mjaft të keqe përsa i takon mbështetjes ndërkombëtare, ka marrë një goditje mjaft të madhe. Ndërkombëtarët i kanë vendosur edhe disa detyra shtëpie që nuk i ka bërë publike, që kanë lidhje me krizën politike në vend”, tha Ndoka.
