“Rama ik” jo vetëm në Shqipëri, por edhe nga Italia.
Mesazhi që prej javësh i drejtohet kryeministrit nga qytetarët që marrin pjesë në protestat e opozitës, tashmë i është përcjellë edhe nga emigrantë që jetojnë dhe punojnë në vendin fqinj, Itali.
Ata kanë filmuar veten në mes të një sere të mbjell me perime e ndodhur në Siçili, nga ku i kujtojnë Ramës premtimet për punësimin e 300 mijë personave.
“Edi Rama faleminderit që na ke futur në punë, ato 300 mijë vende që ke premtuar ja ku i kemi këtu në Siçili.
Ndoshta atje në Shqipëri je punësuar vetë ti 300 mijë herë, se ne ne atje s’kemi parë vend pune.
Jemi të detyruar të vijmë këtu, dhe këta na japin këtë (tregon patëllxhanin që e heq nga bima).
Ja shiko çfarë marrim këtu. Sikur ke punësuar 300 mijë vetë ti, o legen, o legen burrë. Ikni ore ordinera”, shprehen ata.
