Në 2013, Partia Demokratike, kishte mjetet financiare dhe erdhi puna, që fitoi opozita e atëhershme.
Ishte ky argumenti që Astrit Patozi dha mbrëmjen e sotme në Opinion, duke ftuar opozitën që të hyjë në zgjedhje dhe të mundë qeverinë.
Kreu i “Bindja Demokratike” tha se nuk janë argumente ato që thuhen se qeveria ble votat dhe nuk hyjmë në zgjedhje, pasi edhe në 2013 ne kishim mjetet financiare, por fitoi Edi Rama.
Patozi tha se nuk mendonte që Shqipëria është në luftë civile, ku njëra palë merr pushkët dhe shkon në mal për të luftuar qeverinë.
“Ne megjithë të këqiat që kemi s’jemi në luftë civile. Unë jam kundër revolucioneve, unë s’mund të pranoj idenë se qeveria mundet duke ikur.
Opozita nuk caktohet, janë qytetarët ata që e përcaktojnë se kush është opozita. Ne e emi vendosur si Bindje Demokratike, që do t’i bëjmë opozitë të fortë qeverisë.
Licencën për të qenë opozitë nuk ma jep askush, sikundër ka plot njerëz që janë votuar për të qenë në opozitë dhe sot janë në pushtet”, tha Patozi.
