Kolegji i Kryetarëve është thirrur në një mbledhje paraditen e sotme nga kreu demokrat Lulzim Basha, ku pritet të përcaktohet edhe agjenda politike e forcës më të madhe të opozitës për javët në vazhdim.
Sikundër raportohet në këtë mbledhje do të diskutohet mbi aksionin opozitar, ndërsa pritet të përcaktohet agjenda e protestave, të cilat pritet të nisin në të gjitha qytetet e vendit.
Këshilli Kombëtar i Partisë Demokratike doli me 3 propozime konkrete për krizën, ndërsa PD paralajmëroi bojkotin e zgjedhjeve të 30 qershorit.
PD dhe partitë e tjera opozitare kanë deklaruar se do të regjistrohen si pjesëmarrëse në zgjedhje vetëm pasi të jenë realizuar kushtet e tyre që kanë të bëjnë me largimin e Edi Ramës nga posti i kryeministrit dhe krijimin e një qeverie tranzitore që do të përgatiste procesin zgjedhor.
