Gazetari Edi Oga ka ironizuar përmes një postimi në rrjet krijimin e një tjetër partie, e cila pritet të zyrtarizohet nga Rudina Hajdari dhe deputetë që konsiderohen si opozita e re në Kuvend, pas dorëzimit të mandateve nga PD dhe LSI.
“Jemi katandisur t’i varim shpresat tona për një të ardhme më të mirë, në faktin e krijimit ose jo të një partiçke, nga një zonjë, të cilës i njohim vetëm mbiemrin!”, shkruan gazetari.
Rudina Hajdari është një prej deputeteve demokrate që nuk pranoi të dorëzonte mandatin e deputetit. Në media është paralajmëruar se Hajdari dhe një grup deputetësh që sot kanë marrë mandatet, por edhe ish-funksionarë të PD-së, që kanë shprehur kritika ndaj Lulzim Bashës do të zyrtarizojnë partinë “Bindja Demokratike.
“Opozita e Re i kalon përmasat e demokratëve të larguar apo ish-ministrave te qeverisë Berisha. Ne synojmë krijimin e një koalicioni më të gjerë me çdo faktor të djathtë, me qëllim largimin e kastës mafioze në politik dhe pushtet”, shprehet Hajdari.
Rudina Hajdari rikonfirmoi që nuk synon çarjen dhe shkatërrimin e Partisë Demokratike, por krijimin e një alternative të re, pasi Lulzim Basha ka zgjedhur koalicionin me Monika Kryemadhin dhe kundër aelatëve perendimor.
Krye e formularit
