Rreth 20 klandestinë sirianë, të cilët vinin nga Greqia, u kapën nga Policia kufitare në Kapshticë.
Mes klandestinëve kishte gra dhe fëmijë. Refugjatët janë dërguar në drejtorinë e kufirit për të dhënë deklarimet e tyre.
Gjatë ditëve të fundit janë kapur më shumë se 120 klandestinë, ndërkohë që shifrat zyrtare mungojnë.
Kufiri i gjelbër Shqipëri-Greqi në qarkun e Korçës dhe Gjirokastrës mbeten portat kryesore të hyrjes së klandestinëve që vijnë kryesisht nga vendet në konflikt në Lindjen e Mesme.
