Kryeministri i Malit dhe e gjithë qeveria e tij kanë dhënë dorëheqjen mes presionit në rritje mbi pasigurinë në kombin e Afrikës Perëndimore, përfshirë një masakër që la 160 të vdekur.
Zyra e presidentit Ibrahim Boubacar Keita njoftoi dorëheqjen e kryeministrit Soumeylou Boubeye Maiga dhe të gjithë ministrave të kabinetit të enjten, raporton “Independent”. Keita nuk zbuloi detaje pas dorëheqjeve, por shtoi se një qeveri e re do të ngrihej pas konsultimeve me “të gjitha forcat politike”.
Administrata ishte përballur me kritika në rritje për vrasjet e 160 anëtarëve të komunitetit “Fulani” nga gjuetarët e dyshuar “Dogon” në mars.
Sulmi, që ndodhi në fshatin qendror malian të Ogassagou, tronditi një komb tashmë të kapluar nga një klimë dhune gjithnjë në përkeqësim.
Masakra e Ogassagou u pasua një sulm vdekjeprurës që mendohet të jetë kryer nga xhihadistët e lidhur me al-Kaidën, në një postë ushtarake. 23 ushtarë mbetën të vdekur.
Ligjvënësit diskutuan të mërkurën një mocion të mundshëm të mosbesimit të qeverisë për shkak të vrasjeve të fundit dhe dështimit të saj për të çarmatosur milicitë dhe për të luftuar militantët islamikë.
Shteti afrikan ndodhet në trazira nga një rebelim i grupit të quajtur “Tuareg” dhe xhihadistëve aleatë, të cilët morën nën kontroll mbi gjysmën e vendit në 2012.
Mali, i cili ishte parë si një bastion i demokracisë dhe stabilitetit në kontinent për më shumë se 20 vjet para se të shpërthente lufta, është zhytur në luftë civile që nga ajo kohë.
Forcat franceze ndërhynë në konflikt deri në vitin 2013 me kërkesën e qeverisë maliane, duke u përpjekur të thyejnë militantët.
Një armëpushim u arrit në vitin 2015, por frekuenca e sulmeve rebele filloi të rritet përsëri gjatë vitit 2018 dhe pjesa më e madhe e gjysmës veriore të vendit mbetet jashtë kontrollit të qeverisë. /Boldnews.al/
