Universiteti Bujqësor i Tiranës mund të shkojë drejt një bojkoti nëse Bashkia e Tiranës nuk do të tërhiqet nga projekti për ndërtimin e një shkolle brenda hapësirës së këtij universiteti.
Dyshimet janë se Bashkia e Tiranës e drejtuar nga Erjon Veliaj po përdor ndërtimin e një shkolle për t’i hapur më pas rrugën ndërtimeve shumëkatëshe në një territor që përfshihet brenda UBT.
Stafi akademik i UBT është mbledhur dhe po diskuton opsionet mbi reagimin që do të bëhet ndaj përdhosjes që i është bërë territorit.
Kështu mësohet se pedagogët po diskutojnë mbi zhvillimin e një proteste, bojkot mësimor dhe marrshim proteste.
Nëse bashkia nuk do tërhiqet, ndoshta mund të shkohet deri në një vendim që do të çojë në pezullimin e mësimit në këtë universitet.
