Tre shqiptarë janë arrestuar nga policia greke me akuzën e trafikut të drogës.
Emrat e të arrestuarve nuk bëhen të njohur, por ato janë homoseksualë.
Arrestimet u realizuan në mbrëmje në rajonin e Atikës, ku policia zbuloi dy shtëpi, ku u gjetën më shumë se 10 pako drogë me heroinë dhe kokainë.
Në një nga pakot e drogës, brenda të cilës ishin 1,010 gram kokainë, ishte stampuar në pjesën e jashtme pamja e heroit të preferuar të filmave për fëmijë, “Mickey Mouse”.
Një total prej 4,791.5 gram heroinë u kapën dhe u konfiskuan. Përveç sasisë së drogës, policia gjeti dhe konfiskoi në shtëpitë e tyre edhe dy peshore elektronike, shumën prej 3,400 euro, një makinë që përdorej për trafik droge dhe shtatë telefona celularë.
Mediat greke shkruajnë se një 52 vjeçar së bashku me bashkëshortin e tij 49 vjeçar, e kishin kthyer trafikun e drogës në një biznes familjar, duke qenë pjesë e një grupi kriminal.
Gjithashtu policia arrestoi edhe homoseksual 31-vjeçar shqiptar, i cili kishte marrë shtetësinë greke.
Treshja furnizonte me drogë të varurit nga lëndët narkotike në Athinë.
