Absurdi i KLP/ Kryeprokuror i ri zgjidhet ai që kritikon më shumë Markun e Llallën

Nga Boldnews.al

Kandidatët për Kryeprokuror me mandat të plotë duhet të kritikojnë sa më shumë e sa më fort paraardhësit e tyre në 4 vitet e fundit, për të fituar besimin e Këshillit të Lartë të Prokurorisë (KLP), institucion që më pas do të bëj vlerësimin për ta.

KLP ka publikuar në Fletoren Zyrtare Rregulloren dhe shtojcat përkatëse për garën për Prokuror të Përgjithshëm.

Ndër kushtet që ka caktuar KLP për kandidatët, është hartimi i një Platforme për Prokuror të Përgjithshëm.

Kandidatët duhet të nisin prezantimin e tyre, duke shprehur vizioni, politikat dhe strategjitë në Prokurorinë e Përgjithshme gjatë mandatit.

Pika e parë e platformës së tyre, sipas Urdhërit të Këshillit të Lartë të Prokurorisë, duhet të nisë me një opinion të kandidatëve se si ata e vlerësojnë situatën në Prokurorinë e Përgjithshme gjatë katërvjeçarit të fundit. Në fund të kësaj pike, KLP vendos shënimin “kritikat janë të vlerësueshme”.

Pra, platforma e kandidatëve për Prokuror të Përgjithshëm duhet të ndërtohet mbi kritikat dhe sharjet e paraardhësve. Me një mentalitet tipik komunist, KLP vendos se a më shumë kritika për Kryeprokurorët që kanë qenë në atë detyrë në 4 vitet e fundit, aq më i lartë do të jetë vlerësimi për kreun e ri të institucionit të Akuzës.

Gjatë 4 viteve të fundit, në krye të Prokurorisë së Përgjithshme kanë qenë Adriatik Llalla, i cili përfundoi mandatin në Dhjetor 2017 dhe Arta Marku, e cila e mban këtë detyrë prej 1 viti e tre muajsh.

Pra, sipas përcaktimeve të KLP, kandidatët për Prokuror të Përgjithshëm duhet të vënë në shënjestër Adriatik Llallën dhe Arta Markun që të vlerësohen sa më lartë prej anëtarëve të Këshillit.

LEXO EDHE  Braktis gruan se rrinte me orë të tëra në Facebook/ Përballja live e çiftit: Më ka tradhëtuar me motrën e kunatës

Sulmet kundër Adriatik Llallës nuk kanë asnjë “problem”, pasi ato janë shndërruar në ‘sport popullor” prej një viti.

Por problemi qëndron tek Arta Marku. Kryeprokurorja e Përkohshme, me shumë mundësi do të kandidojë për postin e Prokurorit të Përgjithshëm me mandat të plotë. Pra, ajo, për të fituar pikë, duhet të kritikojë edhe veten, pasi përfshihet në periudhën 4-vjeçare të vendosur nga KLP për të lëshuar kritika.

Kjo platformë e vë Arta Markun në dilemë ekzistenciale. Ajo, siç duket ka dy alternativa:

1. Të kritikojë veten për këtë periudhë që është në detyrë, pasi kështu mund të marrë më shumë pikë nga KLP. Pra, nëpërmjet një skenari tipik komunist, Arta Marku mund të detyrohet që të bëjë një ‘autokritikë të shëndoshë” dhe, në këtë mënyrë “të bindi shokët e Partisë” se ajo e ka kuptuar thellë gabimin; ose
2. Të tregojë sukseset e saj në këtë detyrë, siç kërkohet në një tjetër pikë të platformës, por duke humbur mundësinë që të kritikojë prokurorët e përgjithshëm të 4-vjeçarit të fundit, ku përfshihet edhe vetë.

Kjo dilemë e Arta Markut, ndoshta mund të zgjidhet me një ndërhyrje “in-extremis” të Këshillit të Lartë të Prokurorisë. KLP, në një moment të dytë, mund t’i lejojë Arta Markut që të kritikojë Prokurorin e Përgjithshëm që ka qenë në detyrë 4 vjet pasi ajo mori detyrën.

E, në këtë mënyrë, Marku do e ketë shumë të thjeshtë. Do të shpëtojë nga “autokritika” dhe do të merret vetëm me sulmet ndaj paraardhësit e saj. Kështu, ajo mund të marrë duartrokitjet e ‘shokëve” të Këshillit të Lartë të Prokurorisë.

PËRGJIGJU

Please enter your comment!
Please enter your name here