Gazetarja Klodiana Lala ka zbuluar të tjera detaje rreth vrasjes së vëllezërve Bilali në qytetin e Shkodrës.
Sipas saj, kamerat e sigurisë nuk kanë funksionuar në një zonë prej 3-4 km rreth zonës së krimit.
“Në zonën ku ka ndodhur ngjarja, 3-4 km më rezulton se nuk ka funksionuar asnjë nga kamerat e sigurisë.
Prandaj më lindin dyshimet se pas kësaj ngjarje është një grup i sofistikuar.
Që Policia e Shtetit të godasë këtë grup duhen prova, të cilët ata nuk i kanë. Prandaj me të drejtë në këtë rast policia kërkon ndihmën e qytetarëve”, tha Lala në “Byro Politike”, në ABC news.
Në vijim ajo shtoi se bandat janë bërë agresive për shkak të ruajtjes së territorit të tyre.
Më tej ajo deklaroi se punonjës policie kanë ndihmuar grupin Bajri.
“Të gjithë personat që nuk janë arrestuar, janë bërë agresiv sepsevduan që të ruajnë territoret e tyre.
Nëse kemi parasysh raste si Vlora dhe Elbasanit ku grupet përplasen me njëri tjetrin, nuk hyn gjakmarrja. Thjesht lajnë hesapet me njëri tjetrin.
Prokuroria e Krimeve të Rënda po heton punonjës policie dhe zyrtar policie të cilët kanë lidhje me grupin Bajri dhe e kanë ndihmuar këtë grup”, tha Lala.
