Kreu demokrat Lulzim Bashan ë një takim me banorë të Malësisë së Madhe tha se një nga dramat më të mëdha është rritja e frikshme e qytetarëve që largohen nga shtëpitë e tyre, në emigracion apo drejt qyteteve të tjera.
Basha tha se sfida e sotme është ndalimi i hemoragjisë.
“Ajo që po ndodh është mbyllja masive e shkollave dhe klasave, për shkak se prindërit po largohen nga zonat ku jetojnë, poi kin ose nga qyteti ose në emigracion.
Përse nuk mundemi ne këtu të ndërtojmë një të ardhme të sigurtë, të sigurojmë shkollimin e fëmijëve, një jetë me dinjitet?
Arsyeja është e thjeshtë, e ka kuptuar çdo shqiptar dhe e ka kuptuar gjithë Bota: pasuritë e Shqipërisë, sot i kanë futur në kllapa 5 njerëz, Edi Rama dhe ata që qëndrojnë pranë tij.
Si puna e traut në rrugën e Kombit janë vendosur trarë të padukshëm kudo.
Po nuk u bëre skllav i bajraktarit të rradhës së Rilindjes nuk ecën dot përpara. Kjo nuk quhet liri, kjo nuk është jetesë me dinjitet”, tha Basha.
Sipas tij, Edi Rama është njeriu që i ka sjellë shqiptarëve përdhunues dhe trafikantë në krye të bashkisë dhe në Parlament.
“Ky është njeriu që ministrat që duhej të ishin në burg, Rama i emëron sekretarë në PS-së. Shikoni ku është Damian Gjiknuri, hajduti me 7 palë çizme i Edi Ramës.
Rama ka instaluar diktaturën e hajdutëve dhe kriminelëve”, tha Basha.
Sipas kreut demokrat, regjimi i Edi Ramës është i mbaruar dhe shumë shpejt ai do të largohet.
“Edi Rama është si zombie, vjen vërdallë dhe nuk di se çfarë flet”, theksoi kreu demokrat.
Ai tha se opozita dogji mandatet dhe do të jetë në krahun e shqiptarëve deri në fund.
“Lojra dhe zgjedhje fasadë me Maduron e Ballkanit nuk do të ketë”, tha Basha, duke shtuar se historia na tregon qartë se cili do të jetë fundi i kësaj beteje.
