Agjentët e policisë në Forli, në bashkëpunim me ata të Ravenas, arrestuan dy vëllezër shqiptarë 28 dhe 24 vjeç, dhe të dashurën e këtij të fundit, shtetase rumune.
Ata u arrestuan me akuzën e poseidimit dhe transportit të drogës.
Mediat italiane raportojnë se policia u angazhua në një operacion anti-drogë pas informacioneve për praninë e transportuesve të lëndëve narkotike që vinin nga Castel Bolognese dhe që furnizonin punëtorët e rinj në qendër të Forlit.
Vëllezërit shqiptarë, emrat e të cilëve nuk bëhen publikë, u kapën me 3 grama marijuana. Por kontrolli në banesë, zbuloi edhe 2.7 kg marjuanë, e cila ishte fshehur nën shtratin martesor të të dashurës së njërit prej dy vëllezërve.
Gjithashtu policia sekuestroi edhe një peshore elektronike.
Vajza rumune u la e lirë, ndërsa vëllezërit shqiptarët u vendosën nën arrest shtëpiak në pritje të vendimit përfundimtar.
