Kryeministri Edi Rama ka ironizuar nga Durrësi protestat e opozitës dhe kërkesat e saj për largimin e tij nga posti qeveritar.
Rama tha se tani me valën e protestave, Shqipëria ofron edhe këtë shërbim për turistët.
“I thashë gazetarëve italianë që ne ofrojmë edhe protesta. Po të vijnë turistët dhe t’i kapë e enjtja në Tiranë, mund të shkojnë te Parlamenti, po të vijnë në mes muaji, në fundjavë, të shkojnë te Kryeministria”, tha Rama.
Lidhur me përgjimet e Vangjush Dakos, Rama theksoi se Niçja na është bërë si Aleksandër Moisiu.
“Këta flasin për zgjedhje të lira dhe të ndershme dhe harrojnë ato që kanë bërë vetë. Po ne kishim frikë të çonim komisionerët në Shijak, këta dilnin në Durrës me të fortë që i kishin nxjerrë nga burgu dhe terrorizonin qytetin.
Kërkonin numërimin elektronik, por tani nuk flasin më. Nisëm studimet duke i pyetur njerëzit a e kupton mrrokllën, se kupton mrokllën, dhe sa i thamë ne hajde ta bëjmë, ikën.
E mbani mend atë mikun tim, Lulzim Bashën, kur thoshte e rrëzuam gjysmën e qeverisë, se gjysmën e morri në tavolinë, hajde tani të rrëzojmë gjysmën tjetër.
Tani del me falxhoren në krah dhe i thotë ec se kam parë filxhan dhe pot ë djegim mandatet marrim gjithë qeverinë.
U bubu se çfarë i bën filxhanit ajo, i ka thënë kam parë një L të madhe dhe një E që shkonte poshtë.
I thashë sot gjeni ca bojra të bukura të paktën, se vetëm bojën e zezë njohin.
Këtë rradhë nuk kemi çfarë t’i bëjmë, duhet të vazhdojmë përpara dhe të bëjmë punën tonë.
Ne s’kemi detyrën të sjellim Lulin në pushtet, të vrasim mendjen si do vijë Luli në pushtet”, tha Rama.
Në vijim kryeministri tha se jot ë djegin mandatet, po të hidhen në erë nuk i ndihmojmë dot.
“Madje të shkojnë atje ku i hedh sytë Monika, nuk kemi çfarë t’i bëjmë. Pale kur flet Monika për blerje votash dhe i drejtohet votave. Se Monika të blejë vota? Jo jo, ajo ble vetëm çizme.
Po ku komunikon Monika me Zotin, apo e merr me karta, si quhen ato kartat me numër fiks.
Po më mirë që ikën se shkonim në Kuvend sikur po shkonim në mundje, s’dinim se ku do na dilnin. Na gjuanin me vezë, sikur kishin dalë nga koteci”, tha Rama.
