Ambasadori i Bashkimit Evropian në Tiranë, Luigi Soreca i ka bërë apel politikës për dialog. Në një reagim në Twitter, ai shprehet se është bërë përparim i konsiderueshëm që nga qershori i kaluar.
“Është bërë përparim i konsiderueshëm që nga qershori i kaluar. Ka ende punë për t’u bërë deri në qershorin e ardhshëm. Është me të vërtetë koha tani për të kapërcyer dallimet partiake dhe për t’u angazhuar në dialog. Për të mbrojtur interesat e popullit shqiptar që dëshiron të vazhdojë të lëvizë drejt Bashkimit Europian”, shkruan Soreca.
Pas kësaj deklarate, ka reaguar Përparim Spahiu, ish-deputeti i LSI-së. “Nëse shtimi i portaleve si struktura paralele të qeverisjes quhet sukses, atëherë po, gjetëm diçka”, ironizon Spahiu.
“‘Shqipëria ka bërë përparim të konsiderueshëm që nga qershori i kaluar’, tha sot Soreca.
Mund të më thotë dikush një, vetë një gjë, që ka përparuar nga Qershori?
Rendi (vrasje çro ditë, të të gjitha llojeve)
Ekonomia (kryesojmë rajonin si vendi më i varfër me nr më të madh të kërkesave për azil)
Drejtësia (një zot e di se kur do gjejnë zgjidhje mijëra çështje që presin)
Arsimi (studentët njoftojnë përsëri protesta)
Bujqësia (fermerët të gjithë protesta në rrugë, të falimentuar)
Nëse shtimi i portaleve si struktura paralele të qeverisjes quhet sukses, atëherë po, gjetëm dicka…!!!”, shprehet Spahiu.
