Gazetarja Mimoza Koçiu ka ironizuar përmes një postimi në rrjetet sociale Kongresin elektoral të PS-së, sikundër ka shprehur kritika të forta ndaj Kryeministrit lidhur me atë ç’ka paraqiti, por që s’përputhet me realitetin.
Koçiu shkruan se pas “super imazhit” që ndoqa dje të shefit të vogël e të madh, pas fjalimeve copy paste, se sa shumë ka bërë Edi Rama për këtë vend, e pas shifrave e renditjeve rajonale e europiane që kryeministri i ulëriti (nuk po e zmadhoj), kam ca pikëpyetje, që nuk më rrinë me paradën e djeshme.
Postimi i plotë i gazetares
Pas “super imazhit” qe ndoqa dje te shefit te vogel e te madh, pas fjalimeve copy paste, se sa shume ka bere Edi Rama per kete vend, e pas shifrave e renditjeve rajonale e europiane qe kryeministri i uleriti (nuk po e zmadhoj), kam ca pikepyetje qe nuk me rrine me paraden e djeshme:
Si nje vend qe arrin kaq shume suksese sa degjuam dje, pse BE vazhdon te na e mbaje deren mbyllur, edhe pse si kurre me pare, patem nje Progres Raport te shkelqyer nga Komisioni Europian?
Pse ky vend vazhdon te zbrazet?
Te kene qejf shqiptaret te shkojne te vuajne diku tjeter, se sa te shijojne mrekulline ne vendin e vet?
A mund te “nxijne” sukseset portalet e njerezit ne rrjetet sociale, kur ne mediat tradicionale informacioni nga qeveria shkon i parapergatitur?
Ke me kujtojne keto deklaratat per armiq ngado, qe nxijne sukseset, se si te degjuara fort me ngjajne?
E pyetja me e rendesishme: pse dreqin njerezit nuk i besojne me perrallat? Te bukura jane e me to jemi rritur 😎 p.s. me kete rast po shoh edhe sa do zbatohen porosite e KM🧐
