Sot në Tiranë organizohen një sërë aktivitetesh në kuadër të Ditës së Verës, edhe pse zyrtarisht kjo festë është më 14 mars.
Por festimet u shtynë nga kryebashkiaku Erjon Veliaj, i cili në rolin e një parashikuesi moti, tha se 3 ditë më parë do të kishte stuhi dhe reshje të shumta shiu. Vendimi shkaktoi reagime dhe batuta në rrjet, por nuk ndryshoi.
Ndërkohë sot në festimet e Lali Erit duket se ka pasur një presion ndaj punonjësve të administratës për të qenë pjesëmarrës.
Mesazhet e mëposhtme, të publikuara nga ish-deputeti Luçiano Boçi, tregojnë se si i është kërkuar mësuesve të shkollave të Tiranës të jenë prezent në këto festime, dhe jo vetëm kaq. Një gjë e tillë u është kërkuar edhe nxënësve, të cilët duhet të mbushin vendet ku Lali Erik a zgjedhur për të organizuar festimet.
Postimi i Luçiano Boçit
Nxënësit e mësuesit e shkollave të Tiranës urdhërohen të dalin të organizuar me kuadrate për ditën e verës së deformuar.
Disa nga mesazhet e ardhura nga mësuesit, po jua sjell në foto.
Propaganda bajate kërkon të stimulojë imazhin e një Shqipërie fanar lumturie e së cilës po i “plas gëzimi dhe e mira nga sytë”.
“Jetojmë e punojmë si në rrethim”;
“Rroftë Shqipëria e lumtur Rilindase”;
“Me partinë në ballë, përpara për fitore të reja”;
Këto do jenë disa nga parrullat që do shpalosen sot në ditën e verës.
Por ndërrimi grotesk i kalendarit të ditës së verës nga 14 Mars në 17 Mars nuk është i padëgjuar.
Ka ndodhur në Korenë e Veriut.
Koreja e Veriut është në vitin 108, jo 2019, sepse vendi i shënon vitet sipas kalendarit Juche, i cili u prezantua në vitin 1997 dhe bazohet në datën e lindjes së Kim Il-sung: 15 prill 1912. Viti 1912 përdoret si Juche 1 dhe nuk ka Juche 0.
Tiranën sot do ta ketë zili vetë Pheniani!!!!
