Albana Vokshi, kryetare e LDGSH-së, e ka cilësuar si një tallje me qytetarët dhe hipokrizi të neveritshme ndjesën që Policia e Shtetit i ka kërkuar bizneseve në zonën pranë Parlamentit, ku në protestën e fundit të opozitës u hodh gaz helmues.
Vokshi shkruan në një postim në rrjet se helmimi me lëndë kimike i protestuesve, fëmijëve, nxënësve të shkollës ekonomike, grave dhe nënave shtatzëna, banorëve dhe bizneseve të zonës është bërë me urdhër kriminal gjakftohtë për të trembur opozitën dhe qytetarët.
Reagimi i Albana Vokshit
Bandat me uniformë të Edi Ramës të vrasin natën dhe të qajnë ditën. Ndjesa e #policisë për bizneset pranë #parlamentit është tallje me qytetarët dhe hipokrizi e neveritshme.
Helmimi me lëndë kimike i protestuesve, fëmijëve, nxënësve të shkollës ekonomike, grave dhe nënave shtatzëna, banorëve dhe bizneseve të zonës është bërë me urdhër kriminal gjakftohtë për të trembur opozitën dhe qytetarët.
Pamjet tregojnë se kanë hedhur aq shumë gaz lotsjellës, sa kanë helmuar edhe njerëzit brenda qendrës tregtare pranë parlamentit.
Ftoj #bizneset dhe #banorët pranë Parlamentit të bashkohen me ne në #5Mars për të protestuar kundër qeverisë që për qytetarët e vet ofron vec helm, papunësi dhe varfëri.
Është shumë afër dita kur banda me uniformë e Edi Ramës do të mbajë përgjegjësi para ligjit për sjelljen e saj kriminale.
#Protesto
#5Mars
#ParaParlamentit
