Policia ka nisur sulmin me gaz lotsjellës ndaj protestuesve që kanë rrtehuar Kuvendin.
Ndërkohë raportohet se edhe makinat që përdorin ujin për të shpërndarë protestuesit janë në gadishmëri.
Disa nga protestuesit janë dëmtuar nga gazi, çka ka detyruar shërbimet e urgjencës që të ndërhyjnë për ti dhënë ndihmën e parë.
Situata u tensionua mes protestuesve dhe opozitës, ndërsa qytetarët tentuan të çajnë kordonin policor.
Në rrjeshtat e parë të protestës janë vendosur kreu demokrat Lulzim Basha dhe drejtues të tjerë të opozitës, ndoshta në tentativë për të qetësuar protestuesit.
Më herët policisë iu bë thirrje që të dorëzojë kapelet ose të arrestojë anëtarët e krimit që ndodhen sot në sallën e Kuvendit.
Deputetëve socialist iu bë thirrje që të dalin nga salla e Kuvendit, pasi protesta e qytetarëve do të vazhdojë, pavarësisht se ndaj shqiptarëve po hidhet gaz lotsjellës.
“Ejani mblidhuni këtu, këtu, bashkë me ne”, ishte thirrja e kreut demokrat Lulzim Basha, ndërkohë që policia hidhte gaz lotsjellës ndaj protestuesve.
Basha tha se ata që urdhëruan hedhjen e gazit ndaj vajzave, grave dhe nënave, nuk do të fshihet dot as pas imunitetit, as pas uniformës, pasi sovrani do ti çojë para drejtësisë.
“Horra dhe tradhëtarë që helmoni shqiptarët, do të përballeni me ligjin”, paralajmëroi Basha.
“Sot Rama ka urdhëruar një akt të pa ndodhur më parë, sulmin me lëndë kimike ndaj fëmijëve, motrave, grave dhe nënave, grave shtatzëna, në të drejtën legjitime në protestën kundër kuvendit të krimit. Sot Rama i ka shpallur luftë qytetarëve të vet. Në emër të PD-së, dhe opozitës dhe shqiptarëve, i them Edi Ramës, se me këtë akte shpallje lufte të qytetarëve koston do ta kesh 100 % ti.
Ne nuk frikësohemi, sepse ne luftojmë për një kauzë të drejtë, një mision të madh për të nesërmen evropiane. Përballë kemi një shtet që nuk është i shqiptarëve të cilin do ta shembim nga themelet. Ky vend ka dy rrugë: të durojë tiraninë ose të ngrihen të gjithë një zëri, gegë e toskë, myslimanë e krishterë, demokratë e socialistë e të marinë në dorë fatin e tyre. Beteja është e pa kthim. Kjo betejë do të mbarojë me shporrjen e qeverisë së krimit. Asgjë nuk e ndal dot”, tha Basha.
