Kryetari i Partisë Demokratike Lulzim Basha, i ka bërë një thirrje faktorit ndërkombëtar pas takimit me kryetarë të degëve të PD-së në Tiranë.
“Ftoj qytetaret dhe faktorin ndërkombëtar të mos gënjejë vetëm se shqiptarët si gënjen dot me, s’është më punë kokë gjushësh dhe kokë sejdinësj, Rama duhet të largohet. Opozita do të vazhdoje e vendosur betejën e saj deri në largimin e Ramës”, tha Basha.
Kryedemokrati kërkoi gjithashtu ndëshkimin e politikanëve që kanë vjedhur vota në bashkëpunim me persona të lidhur me krimin. “Është e rëndësishme që dako të arrestohet sa më parë, edhe politikanët e tjerë të lidhur me krimin, që askujt politikani të mos i shkojë ndërmend të bashkëpunojë më Niçet”, u shpreh kreu i PD-së.
Kryedemokrati Lulzim Basha deklaroi sot në mbrëmje nga selia e Partisë Demokratike se po përgatitet arrestimi i kreut të Bashkisë Durrës, Vangjush Dako, por kjo gjë nuk e shpëton dot kryeministrin Edi Rama nga përgjegjësia ligjore për vjedhjen e votave.
“Ajo që dua të ndaj me ju një paralajmërim i qartë dhe i prerë për Edi Ramën. Asnjë përpjekje fasadë nuk e shpëton nga përgjegjësia ligjore që ka. Është kapur duke vjedhur zgjedhje me bandat. Orët e fundit janë intensifikuar me lajme se po përgatitet arrestimi i Vangjush Dakos. Dosja 339 faktoi se ai dhe zyrtarë të tjerë janë kapur duke vjedhur vota”, deklaroi Basha.
/BN/
https://www.facebook.com/lulzimbasha.al/videos/252186225662168/
