Petrit Vasili, Kryetar i Grupit Parlamentar të LSI-së, ka reaguar lidhur me reportazhin e RAI 2, ku konfirmohet blerja e votave në zgjedhjet e fundit shqiptare.
Vasili tha se provat që po jepen tregojnë qartazi se Edi Rama bleu zgjedhjet e 25 qershorit.
Sipas deputetit të LSI-së, që tashmë ka dorëzuar mandatin, Ram pa program kërkoi tepsinë e pushtetit, pasi një gjë të tillë e kërkonin trafikantët.
“Dëshmitë në televizionin shtetëror italian RAI 2 hedhin dritë për blerjen e votave në vitin 2017. Narkoshteti dhe marijuana blenë zgjedhjet e 2017-ës, madje do i blejnë edhe të radhës, këtë konfirmon krimi i organizuar.
Edi Rama paraqitej në popull pa program duke kërkuar i vetëm timonin sepse timonin e donin narkotrafikanët.
Telekomandën e Edi Ramës e mban në dorë krimi i organizuar. Ka një pyetje që e ngre dhe RAI për dosjen 339.
Pse kanë frikë të ecin përpara me këtë dosje? Çfarë shantazhesh personazhet e kësaj dosjeje i bëjnë njëri tjetrit?
Çfarë të vërtetash tronditëse kanë për njëri tjetrin?
RAI2 konfirmon që dosja mbahet e bllokuar. Sot i tërë populli shqiptar së bashku me opozitën janë vendosur në një krah dhe në krahun tjetër ndodhet një Kryeministër mbështetur nga kriminelët.
Sfidën e ka fituar dhe e fiton populli. Çdo sekondë e kaluar do jetë shkatërrimtare për Ramën.
Shqipëria është e jona dhe nuk e vjedh dot Rama me dosjen 339”, theksoi Vasili.
