Edhe dy prokurorë të tjerë kanë aplikuar për të qenë pjesë e SPAK.
Prokurori në Prokurorinë e Apelit Tiranë, Altin Dumani, dhe prokurorja në Prokurorinë e Gjykatës së Shkallës së Parë Durrës, Enkeleda Osmani, kanë aplikuar për tu bërë pjesë e Strukturës së Posaçme kundër Korrupsionit dhe Krimit të Organizuar.
Gjithashtu listës së aplikantëve i është shtuar edhe Elida Kackini (Celami), prokurore e Tiranës.
Deri tani kanë aplikuar për të qenë pjesë e SPAK 19 aplikantë, ndërsa afati skadon më 21 shkurt.
Struktura e Posaçme kundër Korrupsionit dhe Krimit do ketë në trupën e saj 15 anëtarë.
