Paralelisht me protestën masive të organizuar nga opozita në Tiranë, Edi Rama kishte vendosur që të përgjigjej nga Vlora me një takim në kuadër të atij që e quan turi “Bashkia që duam”.
Rama dukej se kishte mbledhur mbështetës të PS dhe punonjës të administratës publike, të të paktën 3 qarqeve, Vlorë, Fier dhe Gjirokastër, përfshi edhe zyrtarë të tjerë, që iu bashkuan antimitingut të organizuar nga Kryeministri.
Por sa ishte pjesëmarrja qytetare në protestë dhe prania e zyrtarëve të administratës dhe mbështetësve të Rilindjes në antimiting?
Fatbardh Kadilli, ish-deputet i PD-së, shkruan në një postim në rrjet se ka numëruar autobuzët që kanë transportuar pjesëmarrësit në Vlorë.
“I ftoj të gjithë ata që duan të dine të vërtetën e pjesëmarrësve në antimitingun e administratës, në Vlorë, këtu kanë mundësi t’i numërojnë vet.
Ftoj Zaloshnjen, që bën sikur bën sondazhe, të paktën të tregoje që di të numëroje.
Kaba qe i ka numëruar thotë 3652. Unë kam numëruar autobuzët nga Saranda, Fieri, Durrësi, etj”, shkruan Kadilli.
