Edi Rama e ka vendin në zyrë, por shkoi të përdhoste sheshin e Flamurit në Vlorë. Edhe atje do të ketë një dron nga ajri që do të kërkojë “arrestimin” e Edi Ramës nga qytetarët atje në shesh.
Kështu u shpreh ish-Kryeministri Sali Berisha, ndërsa protestuesit kanë kaluar kordonin e policisë dhe ndodhen në shkallët hyrëse të Kryeministrisë.
Por sipas Berishës, ky ishte një provokim i policisë, e cila hapi vetë kordonin, duke lejuar qytetarët që të kalojnë.
Ndërkohë drejt protestuesve janë hedhur tymuese nga Garda e Republikës, e cila është e pozicionuar në tarracën e Kryeministrisë.
