Gjatë seancës së sotme parlamentare, nënkryetari demokrat Edi palooka, i hodhi kryeministrit Edi Rama bojë në fytyrë përmes një shiringe.
Shkak i këtij veprimi të Palokës ishin sjelljet e Ramës në seancat e fundit parlamentare, ku Kreu i Qeverisë, ka fyer deputetët e opozitës, përfshi këtu edhe nënkryetarin e PD-së.
Veprimi i Palokës ka gjetur të papërgatitur kryeministrin, por më pas ai i është drejtuar Palokës me fyerjet ‘plehrë’. Ndërsa Elisa Spiropali, e cila ishte pranë Ramës, e quan Palokën ‘qelbësirë’.
Incidenti ka ndodhur brenda pak sekondash dhe në veprim kanë hyrë oficerët e Gardës, që tentuan të mbrojnë kryeministrin.
Por duket se veprimi i tyre ka qenë i vonuar dhe nuk kanë mundur të shpëtojnë Ramën nga spërkatja me bojë…
