Edi Paloka do të shkarkohet si nënkryetar i Kuvendit. Kjo është nisma që Partia Socialiste pritet të ndërmarrë që prej seancës së ardhme parlamentare, ndërsa ky vendim është artikuluar nga kreu i Grupit Parlamentar të PS-së, Taulant Balla.
Ky i fundit ka reaguar pas incidentit të ndodhur në seancë kur në drejtim të Ramës u hodh bojë nga deputeti demokrat, Edi Paloka.
Ndërsa e ka konsideruar një turp të madh atë që ndodhi në sallën e Kuvendit, Balla theksoi se PS nuk mund të tolerojë më që ai që e kreu, të vazhdojë të jetë në postin e nënkryetarit të Kuvendit.
“Në seancën e ardhshme PS do të depozitojë kërkësën për shkarkimin nga posti të Edi Palokës.
Gjithcka u bë në një seancë solemne siç është momenti i votimit të marrëveshjes për anëtarësimin në NATO të Maqedonisë së Veriut dhe në prezencën e një miku të vyer, jo se është kryetari i kuvendit të Maqedonisë së Veriut por se është personalitet i rëndësishëm i shqiptarësisë.
Të bëhen hetimet për turpin që kreu nënkryetari i Kuvendit. Më lejoni tu them se grupi i PS nuk duron më që nënkryetari të jetë Paloka dhe në seancën e ardhshme do depozitojmë kërkesën për shkarkimin”, tha ai.
