Policia e Tiranës ka dhënë disa detaje lidhur me ngjarjen e rëndë, ku një grua u gjet e pajetë në afërsi të Liqenit të Sharrës.
Policia ka arritur në konkluzionin se viktima është vrarë me armë zjarri, ndërsa në pjesën e kokës ka pasur goditje me mjete të forta, që i kanë shkaktuar dëmtime të shumta.
Sipas policisë, viktima është shtetasja L.XH, 49-vjecc.
“Nga këqyrjet në trup rezulton se shtetasja L. Xh., është qëlluar me armë zjarri pistoletë dhe si pasojë e plagëve të marra ka gjetur vdekjen. Policia po punon për zbardhjen e plotë të rrethanave të ngjarjes, identifikimin dhe kapjen e autorit”, shprehet policia.
